Observasie – Van Kritieke Belang vir Plaas Veiligheid

Baie plaasbewoners wat hierdie artikel lees gaan dalk lag, maar diesulkes wat die moeite gaan doen om hierdie praktyk toe te pas sal die vrugte pluk.

Observasie van jou gebied is van kritieke belang vir Plaas Veiligheid.

Observasie is ‘n tydrowende taak, maar die tyd wat hieraan spandeer word is tyd wat goed spandeer is. Indien alle bewoners van ‘n gebied deelneem, en Observasie op ‘n beurt basis plaasvind, kan dit effektief gedoen word.

Waar behoort Observasie Poste geneem te word?

Enige plek waar jou plaas grens aan ‘n pad wat deur die algemene publiek gebruik word. Jy kan binne jou grond teen die heining plaasneem en die pad monitor.

By enige kruispad in jou gebied.

Vanaf die hoogste punte in jou gebied, met ‘n goeie verkyker. Die hoogste punte in ‘n gebied is gewoonlik waar Selfoon torings geplaas is, en daar is gewoonlik ‘n mooi pad op tot by die toring.

Waarvoor moet jy kyk?

Skryf die besonderhede (Kleur, Maak, Registrasie nommer, Insittendes, Vrag) neer van ALLE voertuie wat jy sien beweeg, op watter pad en in watter rigting hulle beweeg en die tyd wat jy hul opgemerk het.

Skryf die besonderhede (Geslag, Ras, geskatte Ouderdom, Kleredrag) neer van ALLE voetgangers wat jy sien beweeg, op watter pad en in watter rigting hulle beweeg en die tyd wat jy hul opgemerk het.

Neem kennis van die sigbare vrag van enige voetuig en indien jy vermoed dat die vrag gesteelde eiendom kan wees, stel dadelik die nodige mense in kennis of skakel dadelik ander boere in die gebied. Whatsapp groepies is handig hiervoor.

Wat nou gemaak met hierdie inligting?

Boere in ‘n landros distrik behoort ‘n enkele Inligting Koordineerder (Moontlik onder die Distrik Boere Unie) te he waarheen hulle alle inligting kan deurgee. Hierdie persoon behoort alles op ‘n behoorlike rekenaar program (Excel of ander) vas te vang en ook met die plaaslike Polisie te deel. Hierdie Inligting Koordineerder moet dan ook die data analiseer, kyk vir patrone wat vorm en kyk waar voetuig bewegings ens dalk saamval met misdaad wat in ‘n gebied gepleeg is. Sonder ‘n toegewyde Inligting Koordineerder is Observasie ‘n gejaag na wind!

Observasie moet dag en nag plaasvind en tye moet gewissel word. Dit is ‘n langtermyn projek wat meer vrugte oplewer hoe langer dit toegepas word. Op sekere Obeservasie Punte wat redelik veilig is, kan ook vroue en tieners gebruik word vir hierdie taak.

Deur Observasie kan ons help seker maak dat Wanneer Bollie Gebeur – ons In Beheer sal wees.